面癱，醫學上叫做「面部神經麻痺」，係指面部其中一邊嘅肌肉突然失去控制，導致眼瞼閉唔埋、嘴角歪斜、飲水漏水等情況。好多人一覺醒來發現自己「口眼歪斜」，以為中風，其實大部分情況係「貝爾氏麻痺症」（Bell's Palsy），同中風唔同，但一樣需要盡快治療。 面癱有咩症狀？ 面癱通常係突然發生嘅，好多人朝早起身先發現。常見症狀包括： 面部一邊肌肉無力或者完全唔郁得 眼瞼閉唔埋，眼睛容易乾澀流淚 嘴角歪斜，笑嘅時候特別明顯 飲水或者食嘢時會漏出嚟 面部感覺麻木或者繃緊 耳後或者耳朵附近痛 味覺減退 說話發音唔清楚 如果你突然出現以上症狀，首先唔好驚。但係需要盡快求醫，排除中風嘅可能性之後，就要把握治療黃金期。 面癱同中風有咩分別？ 好多人面癱發作時最擔心係咪中風。兩者最大嘅分別係： 面癱（貝爾氏麻痺）：只係面部一邊受影響，額頭部分都會受影響（皺唔到額頭）。手腳活動正常，意識清醒，冇頭暈嘔吐。 中風：面部歪斜之外，通常仲會有手腳無力或麻木、說話困難、視力模糊、嚴重頭暈等症狀。額頭部分通常唔受影響。 如果有手腳無力、說話困難等症狀，應該即刻叫救護車。如果只係