好多人對針灸既第一印象係「痛」，但其實針灸係中醫學入面歷史最悠久、應用最廣泛嘅治療方法之一。世界衛生組織（WHO）早喺2003年已經認可針灸對超過30種病症有療效。今日就由上水北區中醫治療中心嘅香港註冊中醫師，同大家逐一拆解針灸嘅常見問題。 針灸嘅原理係咩？ 中醫認為，人體有十四條經絡貫穿全身，氣血沿住經絡運行。當經絡受阻，氣血運行不暢，就會出現各種身體不適。針灸透過刺激特定穴位，疏通經絡、調和氣血，從而達到治療同保健嘅效果。 現代醫學研究發現，針灸可以刺激神經系統釋放內啡肽（天然止痛物質），調節免疫功能，改善血液循環，同時影響大腦嘅痛覺信號傳遞。 針灸可以醫治邊啲病症？ 針灸嘅應用範圍好廣泛，以下係臨床上最常見嘅適應症： 痛症方面：頸椎病、肩周炎（五十肩）、腰痛、坐骨神經痛、膝關節痛、網球肘、頭痛偏頭痛等。好多長期受痛症困擾嘅患者，經過數次針灸治療後都有明顯改善。 內科方面：失眠、胃痛、消化不良、便秘、腹瀉、高血壓、糖尿病輔助治療等。坊間唔少人以為中醫只係飲藥，其實針灸配合中藥內服，療效往往更加理想。 婦科方面：經痛、月經不調、更年期綜合症、不