每逢春天潮濕回南天，濕疹就特別容易發作，皮膚痕癢、紅腫、甩皮，搽幾多潤膚膏都唔夠。如果你試過類固醇藥膏反覆停用又翻發，不妨了解下中醫點樣從根本調理濕疹。 問：中醫點樣睇濕疹？ 答：中醫認為濕疹主要同「濕」、「熱」、「風」三種邪氣有關，再加上脾胃虛弱、運化失調，令體內濕氣排唔走，積聚喺皮膚表面。春天外在環境濕度高，內外夾攻，所以特別容易發作。中醫師會根據你嘅體質辨證分型： 濕熱型：皮膚紅腫、滲水、痕癢劇烈，多見於急性發作期。 脾虛濕蘊型：皮膚淡紅、反覆發作、容易攰、胃口差，多見於慢性濕疹。 血虛風燥型：皮膚乾燥、脫屑、色素沉著，多見於濕疹後期。 問：中醫治濕疹有咩方法？ 答：中醫治療濕疹通常內外兼治。內服中藥針對體質調理，常用健脾祛濕、清熱涼血嘅方劑；外治方面，可以用中藥外洗方浸泡患處，紓緩痕癢。針灸方面，常用曲池、合谷、血海、足三里、陰陵泉等穴位，幫助祛濕止癢、調節免疫功能。 問：中醫治濕疹要幾耐先見效？ 答：急性發作期，服藥加針灸一般一至兩星期痕癢會明顯減輕。但濕疹屬於慢性反覆疾病，要真正減少翻發，通常需要持續調理兩至三個月，改善脾胃功能同體質