突然甩頭髮甩到禿咗一撻？頭頂或者兩邊出現一個圓形嘅「窿」？好多人會話「鬼剃頭」，亦有人叫「圓禿」、「斑禿」（Alopecia Areata），中醫稱為「油風」。無論你叫佢咩名，呢種突發性脫髮問題其實好常見，唔分男女老幼都有機會出現。以下由香港註冊中醫師講解鬼剃頭嘅成因、中醫治療方法同日常護理建議。 鬼剃頭係咩嚟？ 好多人形容鬼剃頭就係「頭髮一撻撻咁甩」、「頭皮禿咗一個位」。簡單講，就係頭皮上面突然出現一個或者幾個圓形嘅脫髮位，甩得好乾淨、好光滑，好似俾人剃咗咁。脫髮範圍可以細到一蚊銀咁大，亦可以大到成個手掌咁。通常冇痛冇癢，好多人係洗頭、梳頭、或者剪頭髮嗰陣先發現。 常見特徵： 突然出現圓形禿髮斑 脫髮區域邊界清楚、皮膚光滑 通常冇痛感、冇痕癢 可能出現喺頭頂、兩側、甚至眉毛、鬍鬚 部分人會反覆發作 點解會有鬼剃頭？ 好多人第一反應都係「點解突然甩咁多頭髮？」、「係咪有咩大病？」，其實大部分情況唔使太擔心。西醫認為鬼剃頭屬於自身免疫疾病，即係身體嘅免疫系統錯誤攻擊自己嘅毛囊，導致頭髮脫落。但具體觸發原因好多時候唔明確，常見誘因包括： 精神壓力大工