「針灸係咪好痛㗎？」「啲針插落去會唔會流血？」「我好怕痛，係咪唔適合做針灸？」，呢啲係我哋最常聽到嘅問題。如果你從來未睇過中醫，想試但又驚，呢篇文幫你逐一解答初次睇中醫最常見嘅10個疑問。 問：針灸係咪好痛？ 答：大部分人嘅感覺係「痠、脹、麻」，而唔係刺痛。中醫針灸用嘅毫針好幼細（直徑約 0.25mm），入針一刻可能有少少蚊叮嘅感覺，之後會慢慢出現痠脹感，呢個就係中醫所講嘅「得氣」，代表針灸正在發揮作用。好多病人做住做住仲會瞓著。 問：把脈真係可以知道身體有咩問題？ 答：把脈係中醫四診（望、聞、問、切）之一，透過感受手腕橈動脈嘅跳動，判斷臟腑氣血狀態。註冊中醫師會結合望診（面色、舌象）、問診（症狀、生活習慣）綜合分析，唔係單靠把脈一項。初次就診時，醫師會問得比較詳細，呢個係正常嘅。 問：睇中醫之前要準備咩？ 答：記住以下幾點就夠：唔好刷脷苔（醫師要睇舌象）、唔好搽太濃嘅唇膏、就診前唔好食太飽或空腹、帶定之前嘅檢查報告或藥單。著鬆身衫褲方便針灸，如果要針腿部穴位，著短褲或容易捲起嘅褲就最好。 問：中藥係咪好苦？有冇其他食法？ 答：傳統煲藥的確會苦，